(ភ្នំពេញ)៖ ថ្ងៃនេះព្រះចន្ទ័រះពេញវង់ល្អណាស់ ហេីយក៏ជាថ្ងៃដែលល្អពីព្រោះអ្នកជំងឺដែលកំពុងព្យាបាលនៅមណ្ឌលព្យាបាលCovid កោះពេជ្រចំនួន៨៣៤នាក់ បានជាសះស្បើយនិងត្រូវធ្វើចត្តាលីស័កបន្តនៅផ្ទះចំនួន១៤ថ្ងៃបន្តទៀត។ នេះគឺជាសំណេរចេញពីទឹកចិត្តដ៏រំភើបរបស់លោកស្រី ពេជ ចន្ទមុន្នី អនុប្រធានក្រុមប្រឹក្សាភិបាល សមាគមគ្រូពេទ្យស្ម័គ្រចិត្តយុវជនសម្តេចតេជោ និងជាប្រធានក្រុមដឹកនាំ គ្រូពេទ្យសម្តេចតេជោ ប្រឆាំងកូវីដ១៩ នៅយប់ថ្ងៃទី២៧ ខែមេសា ឆ្នាំ២០២១ លើទំព័យហ្វេសបុកផ្លូវការរបស់លោកស្រី។

ភរិយាលោក​ ហ៊ុន​ ម៉ាណែត គឺលោកស្រី ពេជ ចន្ទមុន្នី ​ បានផ្តាំផ្ញេីរដល់បងប្អូនដែលបានជាសះស្បើយហេីយត្រលប់ទៅផ្ទះវិញនោះ សុំមេត្តាបន្តធ្វើចត្តាលីស័កនៅផ្ទះបន្តនិងបន្តអនុវត្តន៍នូវដំបូន្មានរបស់គ្រូពេទ្យ និងត្រូវត្រលប់ទៅយកសំណាកវិញនៅថ្ងៃទី១៣។

លោកស្រី ពេជ ចន្ទមុន្នី មិនភ្លេចអំណរគុណដល់ក្រុមគ្រូពេទ្យស្ម័គ្រចិត្តសម្តេចតេជោប្រឆាំងកូវីដ-១៩ និងក្រុមសេវាជួរមុខទាំងអស់ដែលបានយកចិត្តទុកដាក់ ថែទាំព្យាបាលអ្នកជំងឺ ទាំងអស់ដោយយកចិត្តទុកដាក់ ព្រមទាំងក្រុមកងកំលាំងដែលបានខិតខំប្រឹងប្រែងការពារ រៀបចំនិងសំរួលសណ្តាប់ធ្នាប់នៅមណ្ឌលព្យាបាលកោះពេជ្រ។

ភរិយាលោក​ ហ៊ុន​ ម៉ាណែត ​ដែលតែងតែធ្វើការមិនខ្វល់ពីយប់ថ្ងៃដើម្បីសេចក្តីរបស់របស់ប្រជាពលរដ្ឋកម្ពុជា បានបង្ហាញក្តីអំណរដល់បងប្អូនដែលបានជាសះស្បើយនិងជូនពរដល់បងប្អូនដែលនៅបន្តការព្យាបាលឆាប់ជានឹងអាចត្រលប់ទៅផ្ទះវិញក្នុងពេលឆាប់ៗ៕